الشاعر صالح ناصر المحقني
القصيده 1 ماجود ماجود يامنزل هميل الطش
ماجود ماجود يا منزل هميل الطش = وارخى مزون السحايب بعد رشراشة
وثور الهيج برق الليل ذي ينهش = ورعد ماتسمع الا اصوات رجاشه
وارخى الغمايم على جو السماء فرش = والماء دفاها تجيب الرعد واحتاشه
واهتزت الارض وانبت غصنها وارقش = وفرتش اغصانها بأزهار فرتاشه
ويسر على النوب مجناها من العروش = جميع الاشجارفيها النوب معتاشه
وصابحه في جناها والمساء تنقش = في شغل محكوم ماتغلط بنقاشه
واميرها بالخزانه داخل المعرش = يأمر وينهي وهي بالجو طواشه
وانزل لها قوت طيب طبب باطن المغتش = وطاب للضيف بين السمن رباشه
لوما النبي ماخلق جنه ولا مفرش = ولا نفض حيلها بـ أبكار رياشه
والبعد ياريح بالله نسألش بأسمش = لا ماتهزي حصون العود واوباشه
لا استعلموش اهل كنه فصحي علمش = من عيشة الذل لاكانت تعياشه
ذي لا تهابي ولا عند احدن قتلش = ياذي تهبي في ارض الله طواشه
ها بلغي كل عودي في زباد ارمش = يشرخ الروس شمه قبل فرتاشه
قولي لهم يدو الماء قبل مانعطش = من حد الاملوك جاء للصبر نغاشه
طوارف العود ذي كان الزبير احتش = بــاروامهم ذي يسو للخصم قرماشه
من رأس ذودان صيح يا حمام ارقش = للفاضلي والزمازم قوم بطاشه
قولي لهم اين مني شافعل المنخش = والظاهري زرع السوداء بمقراشه
والله لومابقي في محقن المطرش = لن قل ماحن ذي ساها من اجشاشه
وتجزعي الى جبل منقيروالمعرش = جميع الصيود ذي للمنع نواشه
وامضي للعشور لا حده في الغبوش = وعزله الشعب وللفجره ودكاشه
لا قعطبه ذي بها حنشان لا ترهش = والظابطيه يطلبوا رخصه من الباشه
من كان عودي بهذا الوعد لا يكتش = يا غارت الله بغارت قوم بطاشه
بجيش ذي يجلي الظلمه اذا غبش = يجلوا العار سيافه ونماشه
يسو كما النوب لا قل الجنى تحتش = ذي لا تهالك بحد انياب رهاشه
الاوله ذي بلغكم عيب جف الطش = ساق البقر والحق الرجال تواشه
دكا على العيب الاول والحق المفرش = ولا كفاهم في الصانع تحراشه
قد شاب راسي ولوهو حب با يخشش = ومل ظهري من الباطل تحنتاشه
وانا من اقوام مثل السيل ذي يدهش = روم الجناحين انا ريشه من ارياشه
وكيف لا ترقدوا والبرق لا ينهش = وانا بكربه وجاء للصبر نغاشه
طويلات الاعناق يمسي عظمها يعشش = حتى الحنش بالجبوبه بطنه احتاشه
من السهر بات عندي طايرالمغوش = يمدح طرب زاد ساء للطار حراشه
وحرك انجيل لا غلس ولا غبش = يحرم النوم لما ضوت اغباشه
لابس دروعه من الديباج والقموش = واكعابه الدروالياقوت بحجاشه
في ثاني العيد جاني رايح المريش = وطاش حس المولع يوم نداشه
والختم بالله واحجبش بالحروف ارتش = ذهب وفضه في ارض الروم نقاشه
صلوا على من له القلب الولع يرتش = الطهر ذي بالسماء فتحه وعطاشه
ما هز ريح الصبا والمستكا عفش = وتم في ليله المعراج مطراشه
القصيده 2 رسولي مع الفجر اعجلا
رسولي مع الفجر اعجلا **** واركب على ارياح طيبات الصهيل
من قاع سيان سيره بالدلا ***** لا تركب الا مع راس النقيل
وامضي الشلاله وتبدي لك على **** دردوش من صامح الجيد الضليل
لا تمسي الا بخطي واصلا *****لا جانب العود لا حيث المخيل
لا بقعت الغيل في وقت الغداء **** اسقاهم الله من تهمه هميل
عشنا مع اجدادهم في وقت الغلا***يوم افرق احبابه الولد الذليل
لا عند صالح ولد ناصر حجا ****ذي ثور الحرب وربي له دليل
شاخبر الخل كيف المخرجا****حموله الدم ما بعده ثقيل
جالس بمخزان ابوابه مقفلا ****من خلف حايط من اشواك السليل
واليوم لا عاد ضل به ولا. ****خل مكانه لنسوان السبيل
يا مرحبا الاف حيا مرحبا ****مراحب الخل لا وافى الخليل
يا غصن ريحان بالزهر اسبلا ****يا سعفه التمر في راس النخيل
وعنق من نور من عذب امتلا ***وزاد شوقني العنق الطويل
ذي صفت الجعد كالريش اخيلا ****تقدور سبعين سينه من قليل
والصدر ميدان حايط مقفلا ***ممنوع ما يفتحوا له بالسليل
واشواق من حضرموت الداخلا ****ودك مارب وكومان البكيل
لما يهيض مدائن كربلاء ****والسند والهند واجناب الصهيل
لما العرب والنصارى تقتلا ***مابين حاشد وعمران البكيل
ويا خذوا قصر صنعاء لا صلاء ***يضلي الشد منها والرحيل
ويخرجوا منها وقت الغداء ****وصاحب البشليه ترجع صميل
يالله بتدبير حاضر عاجلا ****واستر علينا في الستر الجليل
والاف صلوا على سيد الملا****الهاشمي ذي في الجنه دليل
عليه الاف مالمزن اهملا ****عديد افراد حبات المكيل
القصيده 3 أبدع بمن لا إله غيره
ابدع بمن لا اله بالسماء غيره ***سمي بحرف الالف واللام بعده لام
والهاء هو الله بين الحق والقدرة***لك يا بديع السماء والارض ست ايام
بكل بسماله اسمه باول السورة ****كفاني الاسم الاعظم جامع الاسام
ذي ما اتسعت السماء والارض من كبره ****الا الفؤاد السليم المؤمن العلام
مايعجزك يا الهي من شكا ضرة ***وانا على الباب شاكي للضروره احكام
طال المهل بالمنافق وانت والي امره ****ولاترى ما جرى في ذا السنه والعام
يا من ترى في سواد الظلمه الذره ****ولا جره كم خطاها بالليالي اقدام
والبعد انت اقرب من الطرفين والنظرة *** بيدك البطش وانت الرامي الحتام
خذ العدو المعادي واكفنا شره ***ونحتجب في حجاب السبعه الاقلام
يمطر عشاء في يريم والنص بالعكرة **** ويوصل ابين يوم اول مصلي قام
لا يغلطك من يجي عندك في الغدرة ***قد اغلطوا عامر الجليس والخدام
لما حفر للذهب والكيمياء حفرة **** وسار وقت الضحى ما زاد رد اعلام
عيال ادم مثيل الزرع في صغره *** من اصلح الله صلح ما هو على التلام
ومن كتب شوم قدة شوم من جهله ***السعد والنحس ماهو شي على النجام.
ما جيد ينسى حليفه وايش ذا العثره ***والله يا من فسل لابد ما يلتام شايحجبك ذي حجب نفسه في الدره ****من خلف سبعين حجاب والسماء لملام
ذي جاب يونس وهو داخل الحفره ***يسجد ويعبد ولا ناله مرض واسقام
ابو ثلاثه المكتم غير ابو نخره ****ذي افني الخصم خلي العظام ارهام
اده لذي بيدة الميزان والعبره ***ذي ما يضيع ولا ينسى هناك ايام
ومن تهون بالمحقني ما فاده الكبره *** هيهات كم يا عياله من قفاه ايتام
وحرك انجيل بحر النيل لا قعره ***وجاب راياته من ابن المام
من قاع سيان والكنعان والبصره *** ومصر البنهسه يدوا خبر واعلام
وعاد بافتيك من بازل عظيم اجره ***حيا حوي بحياه اهله بغير اطعام
ولا مضى ببقعه طافها مره *****وتطبقه وتفرقه ذي بعد من قدام
الاول انهال والثاني بطل سحره ***وهو رفيق امنا حواء وابونا دام
والختم صلوا عليه عدد قطره ***عديد ما كل شي ينشي في المعلام
عدد ماطافوا الحجاج بالعمره ***ووقفوا في وقوف الحج والاحرام
القصيده 4 ودود ودود ما لنا غير وده
ودود ودود ما لنا غير وده === كريما عظيما فوق سبعا شدائد
احبه واحب احمد حبيبه وعبده === كما حب مولودا لاحب والد
وقنديل نور النور ذي كان عنده === بيوم استوى عرشه على بحرجامد
وآضاء بساق العرش من نور خده === وفي ليلة المعراج نال الفوائد
محمد ذي اهل السر كانوا بسعده === عليه الف صلى الله ما حن راعد
كما ان لو روحي ونفسي بيده === فما عد بقي في الكون غيره مشاهد
نسالك بفضله نجنا من كل شده === من الكفر واهل البغي شيطان مارد
وكلا هتف باهله واباه وجده === وانا باسمك العظم لزمنا بواحد
ذي انجيت به موسى وشديت عضده === بسبعين مختارا راكع وساجد
لحتى ضرب بالبحر وضحى بيده === طريقا بسهل الله بالحل ساعد
فلما ولد فرعون في ارض سعده === على التين والزيتون فوق الموائد
وسامحتنا من يوم ما يوم بعده === عبوسا طموسا فيه نار الوقائد
كما هو قريب العهد ما هو ببعده === بيوم اتفاق الناس لاحوض وارد
وصلى عدد ما طار بالجو جنده === بااقلام ذي تحصي عديد المجارد
ومن بعد هب الود لا عندوده === ذكرته وشد النوم وامسيت قاهد
على عسرهم والأرض من بعد شده === وقد حازني ذي حاز لا حيث فاقد
وطالت حبال الشرع باايام مده === وقلبي بهم مفتون والله شاهد
كما هم دفا البارد من ذل زنده === هتفنا بهم واهتاض بارق وراعد
ولما نهض رشدي بخيله ورشده === في الماس والشرخه وباروت جامد
ألا يا رسولي ازعم كتابي ورده === من الحصن ذي فوق الجبال الرواكد
بها افسد بني صياد خمسين عده === وخمسين ذي طاعوا على جد واحد
ومنه وسر ياسير سيره محده === طريقك بنا والحد كا السيل وارد
ومن وادي المعزوب والجاني اده === بلاد الذره والبر والغصن راقد
تخبر من الحمه قلعة مشده=== بها مكرمين الضيف من كان وافد
وسلم على سلطان تابوت جده === ولد ناصر احمد ذي بناها عوايد
وصنوه وضيفانه ومن كان عنده=== رياشي وصيادي وقايم وقاعد
وسلم سلام الحب من مد يده === زدهم سلام ألاف تحصى عدايد
في العنبر المطبوع من زهر ورده === وبالمستكى ذي فض نار المواقد
وقل يا رويع القوم من سن حده === على الروس والقطاع حد الحدايد
القصيده 5 يا الله يا جود ياما جود علام الأسرار
هذة القصيدةِ كتبها الشاعر صالح ناصر المحقني عندما تم حبسه في قلعه رداع عند اتهامه واخرين بقتل احد الجنود الأتراك في دمت
يالله ياجود يا ماجود علام الأسرار
ياواسع المغفرة
كون أشياء نشت في الجو كنه بنى دار
بالصنعة الفاخرة
وباسط ارضه وسوى برها فوق الأبحار
والكوكب السامرة
والاف صلوا على المختار ما شن الأمطار
عشي وفي الباكرة
الله لا اسقى مدينة دمت من هيج مطار
تيبس وهي ثامرة
ذي هونت في رعاياها المشايخ والاجيار
مشايخ الظاهرة
والمفلحي وأهل عون الله مخاليب الأنمار
وزايد بني شاجرة
ياكم غبش في شوارعهم وقع للتسعار
مع حصول الذرة
لاحول كنا بحمد الله نشقر بالازهار
وثياب متعطرة
واليوم في داخل الديباج ما نوجد النار
في الظلمة الباهرة
سينا مشارع وبطلنا مدايع منيبار
ذا القدرة القادرة
وآح من صالح الشاوش ذي سوى الامكار
بصميله الجاسرة
صميلة أبنوس كم كسر نواميس كسار
وطاع ذي يأمره
يسك علينا ولا ندري بمن جاء ومن سار
أعمالة المنكرة
وبعد قالوا أتانا من جبن رأي الإحضار
للقلعة العامرة
واحنا نشرنا مثل ذي مات يبكوه الاجوار
وسار للمقبرة
جونا اوادم شواربهم كما اذناب الأثوار
وجوه متحامرة
وقالوا إدوا لنا القتال بانأخذ الثار
ذا الساع ما نعذره
لوما التقونا بني شريان طويلين الأعمار
يوم السماء مكدرة
ياالله لاطال هذا السجن قصرت الأعمار
عيوننا ساهرة
وان كنت في حبسك اطلقني والإثنين الأنفار
يا واسع المغفرة
وان مخلوق ما همه يقل للقمندار
يطلق حبال السرة
جوب عليا باتاوي وتمدح في الطار
والهاشمي تذكره
من بعد جانا الفرج مع وصلت البيض الأبكار
وبالورود متشقرة
أعلمتني بالحقيقة لا شخب راس عمار
ذي تحته النادرة
والختم صلوا على المختار ما شنت امطار
عشي وفي الباكرة